تصدق ان 60 الف جنية فقط تكسب انشاء اللة زيهم فى سنة واحدة.

 شراكة ممتازة انشاء اللة ب 60 الف جنية فقط تكسب انشاء اللة زيهم او اكتر فى سنة واحدة. 

زراعة فدان و نصف طماطم -- شمال الفيوم

عقد شراكة زراعة لمدة سنة -- السنة ( 3 دورات ) الدورة 4 اشهر

الاسعار حاليا (شهر 7 2017) منخفضة بسبب درجة الحرارة المرتفعة

و الحساب التالى لاسعار (شهر 11 2017) و تكون مرتفعة لانقضاء الحر

انتاج الفدان يصل الى 50 طن فى الدورة-- نحسبهم 30 طن بس

30 طن × 1.5 فدان × 2 ج للكيلو= 90 الف جنية

---ناتج الدورة الاولى = 90 - 40 تكاليف الدورة الثانية= 50 الف جنية

---ناتج الدورة الثانيه= 90 - 40 تكاليف الدورة الثالثة = 50 الف جنية

---الناتج اخر الدورة الثالثة= 90 الف جنية

اجمالى ايراد السنة= 50 + 50 + 90 = 190 الف 

الشريك ياخد 60 الف اصل راس مالة و الباقى 130 الف يتقسم بينى و بين الشريك

الحساب هنا على اقل انتاجية و اقل سعر بيع

عقد شراكة زراعة لمدة سنة قابلة للتجديد فى حالة رغبة الشريك.

برجاء الاتصال للجاد الجاهز ماديا فقط ..

الدراسة الكاملة لكل ما يخص زراعة الطماطم فى اللينك دة (اعمل كليك)

زراعة الطماطم

الدراسة الكاملة لكل ما يخص زراعة الطماطم فى اللينك دة (اعمل كليك)

اهم الاصناف الهجن المناسبة لكل عروة

العروة وموعد الزراعة العروة الصيفية المبكرة	الصنف أو الهجين اولا : الاصناف	المواصفات
زراعة المشتل خلال أواخر ديسمبر واولئل يناير والزراعة بالارض المستديمة منتصف فبراير . يزرع المشتل تحت اقبية من البلاستيك أو تحت الصوب البلاستيكية للوقاية من الصقيع والبرد ، ويتم كشف الغطاء تدريجيا قبل نقل الشتلات للتقسية .	بيتو86	نباتاته محدودة النمو الخضرى يحتاج الفدان إلى 20- 25 الف شتلة اكثر الاصناف تبكيرا الثمار بيضاوية شديدة الصلابة تتحمل التخزين يتم الجمع 3-4 جمعات يعطى محصول 40 طن عند العناية الفائقة.
	يوسى 97-3	نموه الخضرى محدود الثمرة مستديرة واقل صلابة من البيتو يحتاج الفدان حوالى 20 الف شتلة الثمار تتحمل التخزين يمكن الحصول على 4-5 جمعات يعطى محصول 20- 25 طن .
	فلوراديد	نموه الخضرى قوى يحتاج الفدان حوالى 15 الف شتلة يعطى محصوله حوالى 6-8 جمعات انتاجه 25-30 طن/ فدان.

العروة	ثانيا : الهجن	المواصفات
نظرا لارتفاع سعر البذور فيجب زراعة المشتل الخاص في صوانى مع الحماية من البرد بوضعها تحت الاقبية أو الصواب البلاستيكية وعلى ارفف أو اماكن مرتفعة عن الارض .	1-الكس 63	هجين مصرى نباتاته متوسطة النمو الخضرى الفدان يحتاج 12-15 الف شتلة مبكر- الثمار كروية – متوسط الصلابة يعطى محصول حتى 50 طن للفدان
	2- بيتو برايد	متوسط النمو الخضرى متوسطه التبكير –الثمار مستديرة ، متوسطة الحجم جيدة الصلابة يحتاج الفدان حوالى 15 الف شتلة ينتج حوالى 40-50 طن/ فدان . ومن افضل الهجن لهذه العروة ويناسب التصدير
	3-بريجيد	متوسط النمو الخضرى يحتاج الفدان 12-15 الف شتلة يعطى حوالى 40-50 طن / فدان الثمار مستديرة ، متوسطة الحجم جيدة الصلابة
	4- مادير	هجين متوسط النمو الفدان يحتاج 15-18 الف شتلة اكثر الهجن تبكيرا يعطى محصوله حوالى 40-50 طن / فدان خلال 4-5 جمعات والثمار مستطيلة عالية الصلابة .
	5- هجين 6130	هجين قوى النمو الخضرى يحتاج الفدان إلى 12 الف شتلة متوسط وزن الثمرة 150 جرام جيدة الصلابة ويعطى الفدان من 50-60 طن ثمار . وهو من الهجن المبشرة

العروة الصيفى العادية	الصنف / الهجين	المواصفات
يزرع المشتل خلال نصف فبراير ويتم نقل الشتلات للارض المستديمة اوائل ابريل ويتم الحماية من البرد خلال انخفاض درجة الحرارة بالتغطية بالاقبية البلاستيك حتى بداية الانبات .	استرين بى	متوسط النمو الخضرى كثير التفريع الفدان يحتاج حوالى 15-17 الف شتلة يتحمل العقد تحت درجات الحرارة المرتفعة انتاج الفدان 15-20طن .
	سوبر سترين بى	يشبة الصنف السابق إلا انه اقوى في النمو الخضرى والثمار صلبة جدا مضلعة الشكل يعطى محصول حوالى 25-30 طن / فدان .
ملاحظة : من الهجن المبشرة لهذه العروة ويتحمل الحرارة إلى حد ما هجين RS692 زينا zaina

العروة الخريفية	اولا: الاصناف
تتم زراعة المشتل خلال يونيو واوائل يوليو والزارعة بالارض المستديمة خلال يوليو أو اغسطس . ويحتاج المشتل للتغطية والحماية من الذبابة البيضاء باستخدام الاجريل أو الشاش	1- كاسل روك	يحتاج الفدان حوالى 15 الف شتلة من الاصناف المبكرةتتحمل الثمار البقاء على النباتات بدون تلف وتتحمل التخزين يعطي محصول حوالى 30-40 طن / فدان . والثمرة مستديرة تميل للاستطالة مع تضليع خفيف ، جيدة الصلابة

	ثانيا : الهجن	المواصفات
ملاحظات - يجب الزراعة بهجن تتحمل الاصابة لحد ما بفيرس تجعد الاوراق الاصفر نظرا لانتشار الذبابة البيضاء خلال هذه العروة . - الزراعة بشتلات خالية من الاصابة والعمل على تاخير الاصابة حتى بداية التزهير- واتباع العمليات الزراعية المثلى لتحقيق المكافحة المتكاملة لتاخير الاصابة الفيروسية .	1- الكس 61	متوسط النمو الخضرى – مبكر يحتاج الفدان 12-15 الف شتلة يعطى الفدان حوالى 40-50 طن / فدان . والثمرة مستديرة متوسطة الصلابة ويصل حجمها إلى 150 جرام
	2- مجموعة هجين TY تى واى وافضلها TY70/84, ,TY70/70 TY20	تتميز نباتاتها بقدرة تحملها على الاصابة بفيرس تجعد الاوراق الاصفر ويتوقف المحصول على الفترة التى حدثت بها الاصابة وكلما كانت متاخرة كلما ارتفع المحصول . يحتاج الفدان حوالى 12 الف شتلة ويعطى 50-60 طن / فدان . ومتوسط وزن الثمرة 100 جرام ومستديرة الشكل
	3- فاكولتا –38	يتحمل الاصابة الفيروسية إلى حد ما ويمتاز بقوة النمو . ومتوسط التبكير يحتاج الفدان حوالى 12- 15 الف شتلة ينتج الفدان من 40-50 طن . والثمار مستديرة متوسطة الصلابة . ويصل حجم الثمرة إلى 140 جرام
	4- فيونا	ذو قدرة عالية على تحمل الاصابة الفيروسية متوسطة النمو الخضرى يحتاج الفدان 12-15 الف شتلة يعطى محصول حوالى 50 طن / فدان.
	5- جاكال	ذو قدرة جيدة على تحمل الاصابة الفيروسية متوسط النمو الخضرى يحتاج الفدان 12-15 الف شتلة يعطى محصول من 50 –60 طن / فدان.
	6- E445 7- تومانور	وهى من الهجن المبشرة وتتحمل الاصابة الفيروسية وذات موسم جمع طويل ومواصفات ثمارها جيدة .
	8- ساريا	يتحمل الاصابة بفيرس تجعد الاوراق الاصفر متوسط النمو – ذو فترة جمع طويلة يعطى محصول حوالى 40-50 طن يحتاج الفدان 12-15 الف شتلة . الثمار مستديرة وزنها حوالى 100 – 110 جرام .
	9- تايفون	يشبه الهجين فيونا يتحمل الاصابة الفيروسية ينتج محصول حوالى 40-50 طن / فدان
	10- دورا	يتحمل الاصابة الفيروسية لحد ما يمكن زراعته بالعروة الخريفية المبكرة يحتاج الفدان من 10-12 الف شتلةيعطى محصول 40 –50 طن / فدان.

العروة الشتوية	اولا :الاصناف	المواصفات
يتم زراعة المشتل خلال سبتمبر واوائل اكتوبر ويحتاج للحماية من الذبابة البيضاء وذلك بالتغطية بالاجريل أو الشاش ولا يسمح برفع الغطاء الا للضرورة القصوى ويتم الرش قبل التغطية ثانية وتزرع الشتلات بالارض المستديمة خلال اكتوبر – ونوفمبر .	مجموعة المار مند 1-السوبر مار مند 2- المار مند 3- اكستر امار مند	نباتاته ذات نمو خضرى قوى يحتاج الفدان لحوالى 12-15 الف شتلة الثمار كبيرة – مستديرة مبططة وذو تفصيص – الفدان يعطي من 20- 25 طن وهى مبكرة الجمع 4-5 جمعات .

	ثانيا : الهجن	المواصفات
	هجن سى إل 150 CL-150	يشبه السوبر مارمند يعطى محصول اعلى منه حوالى 40 طن /فدان يتحمل الحرارة المنخفضة – ويتحمل الاصابة الفيروسية إلى ما يحتاج الفدان 12- 15 الف شتلة .

العروة المحيرة
وهى التى تزرع ما بين فترة العروة الشتوية والصيفية المبكرة .تزرع تحت الاقبية البلاستيكية يزرع المشتل خلال اكتوبر ويتم الشتل اواخر نوفمبر واوائل ديسمبر وخاصة بالاراضى الجديدة .	كلها مجموعة من الهجن اهمها :الوادى –بن شيفر–اوريت- هجين5656،وهجين G.S12	هجن قوية النمو الخضرىيحتاج الفدان 10 الف شتلة ويجب التغطية بالبلاستيك عقب الشتل مباشرة لتلافى الاصابة بالذبابة البيضاء ويجب الرش ضد الذبابة عند رفع الاقبية لاى غرض ويتم رفعها اعتبار من اواخر فبراير ينتج الفدان 50-60 طن .
اصناف وهجن مقاومة للنيماتودا أـ عروة صيفية مبكرة ب- عروة نيلية	1- الصنف في اف أن V.F.N-8	صنف قوى النمو الخضرى مقاوم للنيماتودايعطى حوالى 25-30 طن / فدان يحتاج الفدان 10-12 الف شتلة .
	2- هجن نيماروك Nema Rock	هجين قوى مقاوم للنيماتودا – ثمارة صلبة مستديرة – محصولة جيد يصل إلى 50 طن / فدان
	الهجن نيما – 1400 Nema-1400	قوى النمو الخضرى – ذات فترة جمع طويلة والثمار بيضاوية الشكل – متوسطة الصلابة – يعطى حوالى 30- 40 طن / فدان – يحتاج الفدان 12-15 الف شتلة

تحضير سماد فوسفات الكالسيوم اورجانك بتكاليف زهيدة

السلام عليكم و رحمة اللة و بركاتة

سماد فوسفات الكالسيوم يعتبر سماد اساسى لكل النباتات تقريبا. و تحضيرة طبيعى / اورجانك موضوع سهل جدا برضة و مش عارف لية الناس بتدور و تستخدم السماد الكيماوى بدل الطبيعى!!

عنصر الكالسيوم موجود بوفرة فى كل انواع العظام (فراخ-مواشى-سمك) و قشر البيض برضة كلة كالسيوم.

علشان نحضر سماد فوسفات الكالسيوم هانجيب قشر بيض و ليكن خمسة مثلا.

نقوم بتحميصه فى الفرن او فى طاسة على البوتجاز برضة ينفع. لازم نسيب جزء بسيط يتحرق ( يتفحم)  الباقى يكون لونة اصفر غامق او بيج غامق.

نجيب اناء و نضع فية خل طبيعى (خل ليمون او خل قصب ) المهم يكون طبيعى. و نضع قشر البيض المحمص بهدوء و سنلاحظ حدوث فوران و خروج فقاقيع هواء و لذلك يوضع قشر البيض على دفعات بسيطة.

يترك الوعاء لحين انتهاء خروج فقاعات الهواء. ثم نضيف كمية جديدة من قشر البيض, اذا لم يحدث فوران و خروج لفقاعات الهواء فذلك معناة ان الخل تشبع بالكالسيوم.

قم بتصفية المحلول داخل وعاء اخر و اغلقة و اتركة حوالى 3 اسابيع فى مكان مظلم و فى درجة حرارة الغرفة. و بذلك اصبح لديك سماد فوسفات الكالسيوم طبيعى من مخلفات المزرعة او البيت.

ملحوظة هامة: كل الاسمدة العضوية تقريبا صلاحيتها للاستخدام طويلة جدا

دى صورة لسماد فوسفات الكالسيوم بعد تحضيرة 

تحضير سماد البوتاسيوم طبيعى / اورجانك ببلاش

تحضير سماد البوتاسيوم طبيعى بدون تكلفة تذكر

السلام عليكم و رحمة اللة و بركاتة

تحضير سماد البوتاسيوم طبيعى / اورجانك سهل الى ابعد الحدود.

ببساطة: احضر قشر 5 / 6 حبات من ثمرة الموز ثم قم بتقطيعة تقطيع بسيط.

ضع قشر الموز فى وعاء به ماء (حوالى لتر و نص مياه). اضف حوالى 3 ملاعق سكر.

ضع الوعاء على نار هادئة حتى يغلى الماء. احسب من ربع ساعة الى عشرون دقيقة من بداية غليان الماء.

اطفىء النار بعد عشرون دقيقة من غليان الماء و اترك الوعاء حتى يبرد السائل.

قم بتصفية السائل و ضعة فى وعاء نظيف. و هذا السائل هو سماد البوتاسيوم الاساسى لكل انواع الزرع تقريبا.

السماد مركز و يخفف بنسبة واحد ملعقة كبيرة من السماد الى واحد لتر ماء.

يمكن رش الاوراق بة كما يمكن اضافتة الى ماء الرى العادى

ملحوظة هامة: كل الاسمدة العضوية تقريبا صلاحيتها للاستخدام طويلة جدا

دى صورة السماد بعد تحضيرة ( الصورة غامقة بسبب الاضاءة)

تحضير سماد فوسفات الكالسيوم اورجانك بتكاليف زهيدة

حلم العمر او مشروع العمر

بسم اللة الرحمن الرحيم

مشروع العمر 

المشروع سهل جدا و برضة ضخم جدا و ممكن يبدأ ببدايات مختلفة و دة يتوقف على حجم التمويل المتوفر. و طبعا هابدأ بأقل تكلفة الاول. و بعد كدة هانزل وصف المشروع الكبير.

انا ابتديت من حوالى سنة و نص افكر فى مشروع كويس. فكرت فى تسمين المواشى. و قبل ما ابتدى اى حاجة عملت بحث على اسباب خسارة مربى المواشى. لاقيت ان السبب الرئيسى لخسارة المربين هو ارتفاع اسعار الاعلاف. حتى لو هاتزرع برسيم حجازى لان انتاجة برضة بيكون مكلف. ابتديت ادور على طرق حل مشكلة العلف و فعلا وجدت علف سوبر مثالى فى كل شىء بالنسبة لمشروع انتاج اللحوم (مواشى-اغنام-ارانب-دواجن .....).

 ( شجرة المورينجا ) 

نعمة من اللة سبحانة و تعالى بكل المقاييس

و ييطلق عليها اسماء عديدة مثل غصن البان و شجرة الروقان او الحبة الغالية

بذور المورينجا

شتلات المورينجا قبل الزراعة فى الارض

اشجار المورينجا (مسافات الزراعة لانتاج البذور)

شجرة المورينجا المعجزة مبدئيا تتحمل الجفاف و درجات الحرارة المرتفعة و احتياجتها المائية منخفضة و كذلك احتياجتها من السماد قليلة. و السماد الرئيسى لشجرة المورينجا هو روث / سباخ المواشى. او سبلة الفراخ و الطيور عامة... يبقى اصبح فية حياة تكافلية بين انتاج اللحوم و المورينجا.

طيب لو قلت لجنابك ان افضل فدان برسيم حجازى انتاجة ممكن يوصل الى عشرة طن
فى حين ان فدان المورينجا زراعة كثيفة لانتاج العلف بيوصل لمتوسط 250 طن فى السنة
جنابك متخيل فرق الانتاج قد اية !!!!! من 10 طن علف اخضر الى 250 طن علف اخضر!!!!!! و استهلاكك اقل فى (المياة و السماد و العمالة). سبحان اللة الكريم العظيم فعلا.

الاعلاف المركزة (الغالية جدا) عبارة عن علف بة نسبة مرتفعة من البروتين تصل الى 20% ... طيب لو قولت لجنابك ان المورينجا علف مركز ( نسبة البروتين حوالى 25% من وزن ورقة المورينجا )
اضافة الى العديد و العديد من العناصر الغذائية و الفيتامينات اللازمة لرفع المناعة لدى الحيوانات او الطيور او الانسان.

التغذية على المورينجا تسرع دورة تسمين المواشى قرابة 30% من المدة. ( اربعة اشهر بدلا من ستة اشهر).

المورينجا تشفى من قرابة 300 مرض و تنصح بها منظمة الفاو العالمية لاطعام سكان دول المجاعات لما لها من فائدة غذائية هائلة.
و هاعمل بوست مخصوص لشجرة المورينجا من الالف الى الياء لانها عظيمة الفائدة بكل المقاييس.

لما اتوسعت فى البحث فى موضوع المواشى وجدت ان روث المواشى يمكن اعادة تدويرة بحيث ينتج سماد حيوى عالى الجودة بدون رائحة او ميكروبات و يستمر فى الارض لفترة طويلة نوعا ما و كذلك ينتج غاز طبيعى صديق للبيئة و غير ضار للانسان و هو ( غاز الميثان ).

يتم اعادة تدوير روث المواشى ( السباخ) فى خزان يطلق علية خزان البيوغاز

هنا شرح سريع مدعوم بالصور

كلما زاد عدد رؤوس المواشى كلما زاد حجم الغاز الطبيعى المتولد داخل المزرعة و طبعا زاد حجم السماد الحيوى الناتج.

--------------------------------------------------

خليك معايا انا لسة ماخلصتش

حصل ازمة غير متوقعة فى التمويل معايا و بدأت اشوف طريقة تانية ابتدى بيها و تكون اقل تكلفة من المواشى و كانت الدواجن.

مشروع الدواجن مربح جدا لو العلف من عندك و هنا المورينجا  هى الحل المثالى و مكسب تسمين الدواجن متنوع. ربح من تسمين الفراخ نفسها. و الفراخ بيتم تربيتها على فرشة من نشارة الخشب او التبن .. الفرشة دى حضرتك تاخدها و تزرع عليها مشروم اورجانك 100% و بعد المشروم تاخد الفرشة و تستعملها سماد جيد للزرع فى الارض.... يعنى مافيش هالك نهائيا. بالاضافة الى دورة راس المال السريعة بحد اقصى شهرين (مدة الدورة 6 اسابيع و اسبوعين نظافة العنبر بين الدورة و الدورة التالية).

الفراخ الساسو و ليست فراخ بلدى كما يظن البعض

و بكدة يبقى فية تنويع فى الاسمدة اللى بيتسمد بيها الزرع عندك و كمان مجانية سواء المورينجا او اى زرع اخر .. سماد حيوى (لو فية مواشى) و سبلة الفراخ (فرشة العنبر التبن او نشارة الخشب). اما الاسمدة الاخرى ( بوتاسيوم و فوسفات الكالسيوم ) يتم تحضيرهم ايضا طبيعى داخل المزرعة و بتكلفة رخيصة ايضا. و هانزل بوست و فيديوهات ازاى تتعمل الاسمدة.

المشروع جااامد جدا راسمال يبدأ من 200 الف جنية بس. اقل من ثمن شقة. 

و هنا حسبة من ارض الواقع لبدء المشروع 

2 فدان كاش ب 50 الف جنية (8,000 م2 -رى نيلى- كهرباء- مياة شرب). جنبى فى ( طامية-الفيوم) 70كم من ميدان الرماية الجيزة يعنى حوالى 45 دقيقة.  

المرحلة الاولى للمشروع: انتاج اللحوم (فراخ أو بط أو مواشى) على اعلاف مستنبتة لتوفير سماد طبيعى (ببلاش) لزراعة شتلات المورينجا فى الارض المستديمة.

ملحوظة هامة جدا جدا: اسعار الانشاّت و المبانى مرتفعة طبعا لانة فى الصحراء مش فى المدينة ولاكن المهم انك بتدفع الكلام دة مرة واحدة فى العمر تقريبا. ولو عندك حد يقوم بالانشأت ارخص يبقى هايل طبعا.

متوسط تكلفة متر المبانى ( حجر بلوك ابيض+اسمنت+رمل ) متوسط 150ج 

متوسط تكلفة المتر المربع للسقف (صاج اسبستوس مدعوم بعلب صاج) 80ج
متوسط تكلفة صب الارضية مونة شديدة 70ج

- الاستراحة 5×8 = 40 م2 ارضية او سقف 

تكلفة المبانى: 73 م2 × 150ج = 10,950ج
تكلفة السقف: 80 ج × 40 م2 = 3,200ج 

تكلفة الارضية: 70 ج × 40 م2 = 2,800ج

تكلفة الباب متوسط 500ج و تكلفة 3 شباك متوسط 1,000ج

حوض وش + كابينية + حوض مطبخ استانليس متوسط 1,175ج

تكلفة الاستراحة: 10,950 + 3,200 + 2,800 + 500 + 1,000 + 1,200= 19,650 ج

 

صورة الاستراحة قبل السقف و الشبابيك 23/1/2015

- مبنى1: مساحة (80 م2) 5 × 16 ( عنبر مساحة 71 م2 للطيور و بجوارة مخزن مساحة 9 م2)

تكلفة المبانى: 126 م2 × 150ج = 18,900ج

تكلفة السقف: 80 م2 × 80ج = 6,400ج

تكلفة الارضية: 80 م2 × 70ج = 5,600ج

تكلفة الباب متوسط 300ج و تكلفة 20 شباك × 400 ج = 8,000ج

تكلفة المبنى1 : 18,900 + 6,400+ 5,600 + 300 + 8,000 = 39,200 ج
 توجد تكاليف اخرى مثل المساقى و المعالف

- مبنى2: مساحة (80 م2) 5 × 16 ( عنبر مساحة 71 م2 للطيور و غرفة عامل مساحة 9 م2) 

بناء اول عنبر عندى فى الارض 2.5 فدان 3/2016

بناء اول عنبر عندى فى الارض 2.5 فدان 3/2016

اساسيات المزرعة:

تبدأ 1,000ج موتور مياة واحد حصان اتوماتيك + 1500ج ثلاثة تنكات مياة سعة الواحد 1000 لتر + 500ج فلتر مياة 5 مرحلة + 2000ج سباكة + تكلفة الكهرباء (شامل الكابل) 6,000ج
متوسط المبلغ 11,000 ج 

التكلفة الاساسية: الاستراحة + عنبرين +  مخزن + غرفة عامل + الاساسيات

التكلفة الاساسية: 50,000 + 19,650 + 39,200 + 30,000+ 11,000 = 149,850 جنية

-------------------------

كل عنبر يسع متوسط 700 فرخة. او 420 بط بكينى. او 10 عجول.

الدورة 45 يوم للدواجن. الدورة 4 شهور للبط البكينى. الدورة 5 شهور للمواشى.

اصبح مع جنابك مزرعة محترمة جاهزة للتشغيل (تسمين فقط) و لسة معاك 50,150 جنية تكاليف تشغيل العنبرين.... بعد بداية الدورة الاولى بشهر تشترى كتاكيت الدورة التانية للعنبر التانى 

لازم تأجر محل طيور (مفروش) و تبيع فية الانتاج بتاعك.. بدون المحل تجار الجملة هايمصوا دمك و مش هاتلاقى عائد مجزى

-------------------------

مكسب الطيور مش تسمين بس .. الفرشة بتاعت العنبر(نشارة خشب او تبن) بتتاخد اخر الدورة و يتزرع عليها مشروم اورجانك. بعد المشروم بتستخدم نفس الفرشة كسماد ممتاز فى زراعة الارض. و دى المرحلة التانية من المشروع و تبدأ بعد نهاية اول دورة فراخ او بط بكينى.

المكسب الحقيقى يوم مايكون العلف من انتاجك و اسمدة الزراعة ايضا من انتاجك و ذلك غالبا خلال متوسط 6 شهور من يوم شراء الارض. غير اعادة تدوير مخلفات المزرعة لانها جزء اساسى من ارباح المشروع و طبعا هاشرح ازاى فى بوست مستقل لانة موضوع مربح فعلا و سهل جدا.

-------------------------

بقول تانى : اسعارالتأسيس مرتفعة طبعا لانة فى الصحراء مش فى المدينة ولاكن المهم انك بتدفع الكلام دة مرة فى العمر تقريبا. 

تعالى جنبى الارض 70كم او 45 دقيقة من ميدان الرماية الجيزة. انا مش بهزر ولا بورط حد لاسمح اللة. الارض قريبة جدا جدا من الارياف (عمالة متوفرة على مدار العام) و محلات كتير لاى حاجة تخص المزارع. و قريبة جدا برضة لاسواق التوزيع ( 6 اكتوبر - الجيزة - القاهرة ) ولو جنابك مستثمر كبير ممكن تشتغل تصدير عن طريق مطار 6 اكتوبر لانة يعتبر قريب.

تقعد معايا فى الاستراحة لحد ما تبنى استراحتك و تباشر تنفيذ كل حاجة بنفسك. و هارشدك لاماكن بيع تجهيزات و مستلزمات المزارع باسعار الجملة. 

دة مشروعى اللى ابتديت فعلا انفذة و اللة المستعان.

موقع الارض طامية-الفيوم

الاستراحة بعد تركيب السقف الصاج على علب صاج 4 × 6


البوست الجاى نتكلم عن المشروع ككل و خطوات بداية الشغل 

لو المشروع مش مناسب ليك ياريت تعمل شير لانة اكيد مناسب لناس تانية و الدال على الخير كفاعلة

مفتاح غزو الصحراء البيوغاز Bio-gas

السلام عليكم و رحمة اللة و بركاتة

  مفتاح غزو الصحراء

 البيوغاز Bio-gas

 البيوغاز يقوم على عملية تحلل لا هوائى للمواد العضوية لتحويل مخلفات الحيوانات و مخلفات المزرعة الى سماد طبيعى عالى الجودة واسع الفائدة و الحصول على غاز طبيعى صديق للبيئة يمكن تشغيل المطبخ علية (بوتجاز او سخان مياة او ...) كما يمكن استخدامة للاضاءة فى الغرف (زى الكلوب الغاز) و هو امن تماما لان ناتج احتراق الغاز غير ضار للانسان.

هذا و خزان البيوغاز لة عدة نماذج و اشهرها النموذج الهندى (هو الافضل) و النموذج الصينى (الارخص و الاسرع) و يوجد من هذان النموذجان ملايين الوحدات فى كل من الصين و الهند و دول اخرى كثيرة. و تعمل الصين و الهند بهذة النماذج من حوالى خمسة عشر عاما على الاقل. 

من صورة خزان البيوغاز يتضح ما يلى: انة خزان اسطوانى الشكل (مخمر) و لة غطاء معدني على شكل قبة يخرج من اعلاها ماسورة و ليها محبس و هذة الماسورة يخرج منها غاز طبيعى (ناتج تحلل المواد العضوية)

يوجد حوض (فتحة دخول المخلفات) -- اعلى يسار الصورة-- و حوض اخر (فتحة لخروج السماد الحيوى) اعلى يمين الصورة

مميزات السماد الحيوى لا حصر لها و يمتد مفعول السماد فى الارض لاكثر من دورة زراعية.

اذا لجأ من يستصلح الارض فى البداية الى تسمين مواشى سيتمكن من توفير نفقات السماد الباهظة فى حالة استخدام اسمدة كيميائية.

وهناك اسمدة طبيعية اخرى يتم تصنيعها داخل المزرعة بتكاليف منخفضة جدا مثل البوتاسيوم و فوسفات الكالسيوم و الكمبوست.

و سأقوم لاحقا بنشر خطوات استصلاح الارض و انشاء مزرعة تعتمد كليا على الطبيعة سواء اسمدة او اعلاف لانتاج غذاء صحى امن للجميع. مع تحقيق ربحية ممتازة.

مشروع العمر