مشروع ممتاز.. جزء1 .. مطلوب شريك جاد جدا ب 150 الف جنية

السلام عليكم و رحمة اللة و بركاتة

المشروع ممتاز و متشعب لذلك محتاج قراءة اجزائة بالترتيب و لاكثر من مرة لاستيعابة جيدا

زراعة و انتاج حيوانى اورجانك بتكاليف منخفضة جدا بالمقارنة مع المشاريع المماثلة.

تخفيض التكلفة يتم باعادة تدوير مخلفات المزرعة بالكامل و انتاج الاسمدة العضوية و انتاج الاعلاف الطبيعية بزراعتها داخل المزرعة و هو ما يخفض التكاليف لاقل من نصف تكلفة الاخرين و هو ما يعطى قدرة هائلة على المنافسة و بالطبع زيادة الارباح.

حاليا انا معايا من يناير 2015... 2.5 فدان فى - طامية - شمال محافظة الفيوم .. تمت تسويات حوالى فدان و نصف.

 

تم بناء استرحة و نصف عنبر مواشى

 

بداية المشروع استكمال عنبر المواشى و انشاء خزان بيوغاز و هو نعمة كبيرة من اللة سبحانة و تعالى

 مفتاح غزو الصحراء البيوغاز Bio-gas (العمود الفقرى للمشروع ) 

خزان البيوغاز بيولد غاز طبيعى للاستخدام فى المطبخ او الانارة زى الكلوب بتاع زمان و الاهم ينتج نوع من السماد يسمى السماد الحيوى و هو ذو جودة هائلة و يمتد اثرة فى الارض لاكثر من دورة زراعية و عمرة الافتراضى 25 سنة.

المشكلة الاساسية لمنتجى اللحوم بانواعها هى ارتفاع اسعار الاعلاف المركزة التى لا يتعدى نسبة البروتين بها 20 %

احد البدائل الممتازة للاعلاف المركزة هو نبات المورينجا الذى يصل انتاجه الى 250 طن علف اخضر من الفدان سنويا  و نسبة البروتين به تصل الى 25% فهو يتفوق على الاعلاف المركزة فى نسبة البروتين بالاضافة الى الفيتامينات و العناصر الغذائية الاخرى الغير متواجدة نهائيا فى الاعلاف المركزة  و تستمر اشجار المورينجا فى الارض متوسط 7 سنين.

لينك  فوائد المورينجا المذهلة قريبا هاضيف لينك لشجرة المورينجا من الالف الى الياء.

 

نبدأ بعمل سور للمزرعة من شجر المورينجا ( السور 3 صفوف شجر ) حوالى نصف فدان. بالسماد الحيوى الناتج من خزان البيوغاز.

نبدأ بزراعة نصف فدان ذرة شامية. بالسماد الحيوى الناتج من خزان البيوغاز

بعد حصاد الذرة الصفراء بناخد حبوب الذرة و نفرمها و تضاف الى المورينجا ( المزروعة سور للمزرعة ) و دة علف تسمين اورجانك للدواجن او اى نوع طيور ( علف ببلاش من انتاج الارض )


و بناخد شجر الذرة و نفرمة و يضاف للمورينجا .. و دة علف تسمين اورجانك  للمواشى ( علف ببلاش من انتاج الارض )

نبدأ زراعة فدان طماطم بالسماد الحيوى الناتج من خزان البيوغاز.

بعد حصاد الطماطم (او اى زرع اخر ) بناخد الشجر بتاعها و نفرمة و يبقى زى نشارة الخشب و يستخدم فرشة مجانا فى عنبر  دواجن (مستقبلا).. فى نهاية دورة تسمين الدواجن ( متوسط 6 اسابيع ) بناخد الفرشة (النشارة) و يتزرع عليها مشروم اورجانك .. بعد حصاد المشروم بناخد نفس الفرشة و تستخدم سماد للزرع.

المشكلة الاساسية للمزارعين هى ارتفاع اسعار الاسمدة

يتم شراء السماد البلدى المتحلل (سباخ المواشى) فى اول المشروع ( لزراعة التقاوى  فقط ) لحين بدء انتاج السماد الحيوى من خزان البيوغاز. بعد 40 يوم من بدء تشغيلة

الاسمدة الاخرى يتم تصنيعها ايضا داخل المزرعة بتكاليف بسيطة جدا

تحضير سماد فوسفات الكالسيوم اورجانك بتكاليف زهيدة 

تحضير سماد البوتاسيوم طبيعى بدون تكلفة تذكر 

المشروع قادر على تطوير نفسة الى مالا نهاية .. بس دايما المهم البداية.

الجزء الثانى من المشروع: تكاليف استكمال تأسيس المزرعة لبدء النشاط

ادعوا اللة ان يتمة بالتوفيق و ارجو من يصل الية هذا البوست اعادة نشرة لكل من يعرفة ( الدال على الخير كفاعلة ) فية ناس كتير جدا محتاجة المشروع دة بس مش عارفين يبتدوا ازاى او يشتغل ازاى. ارجو اعادة النشر. السلام عليكم و رحمة اللة و بركاتة.